FERLIÐ - FRÁ HUGMYND AÐ HEIMILI
1.
RÆÐUM MÁLIN
Bókaðu fund með okkur og leyfðu okkur að heyra þínar hugmyndir. Í framhaldinu getum við gefið grófa mynd af byggingarferlinu sem hentar þér.
2.
GERUM TILBOÐ
Þegar húsagerð, teikningar og gróf áætun liggur fyrir gefum við tilboð í framkvæmdina. Þú stjórnar hvað er innifalið í verðinu með þinni skilalýsingu.
3.
BYGGJUM HÚSIÐ
Við hjálpum þér með undirbúninginn, frágang lóðarinnar, flytjum húsið á byggingarstað, setjum það upp og göngum frá – Allt eftir þínum óskum.
4.
AFHENDUM
Frágangur er samkvæmt þínum óskum. Þú velur á hvaða byggingarstigi þú tekur við húsinu og við afhendum samkvæmt verkáætlun.
HVAÐ ÞARFTU AÐ VITA ÁÐUR EN HAFIST ER HANDA ?
Skref 1. Traust upphaf - ráðgjöf og áætlanagerð
Hjá ARNO hefst hvert verkefni á vandaðri og persónulegri ráðgjöf. Við vinnum náið með þér að hönnun, skipulagi og efnisvali fyrir nýja einingahúsið þitt, með áherslu á gæði og langtíma hugsun. Samhliða er unnin skýr og raunhæf tíma- og kostnaðaráætlun, þar sem jafnframt er ákveðið á hvaða byggingarstigi húsið verður afhent – frá og með byggingarstigi 2. Þannig hefur þú fulla stjórn á umfangi verkefnisins frá fyrsta degi. Í samstarfi við reynda arkitekta og aðra fagaðila tryggjum við faglegar útfærslur og traustar forsendur í hverju verkefni. Þú getur valið heildarþjónustu frá ARNO og treyst því að við höfum umsjón með ferlinu frá upphafi til enda.
Skref 2. Teikningar
Þegar hugmyndin hefur verið mótuð hefst vinna við teikningar hússins. Þær eru unnar í samræmi við íslenskar byggingarreglugerðir og mynda tæknilegan grunn að framleiðslu einingahússins. Samstarfsaðili okkar í Litháen, Husline, sér í framhaldinu um að aðlaga teikningarnar að sínum framleiðsluferlum og útbúa nákvæmar byggingateikningar. Með því er tryggt að hönnun, burðarvirki og aðrar tæknilausnir falli fullkomnlega að framleiðslu og uppsetningu hússins.
Skref 3. Framleiðsla - þar sem gæðin eru í fyrirrúmi
Framleiðsla hússins fer fram hjá Husline í Litháen, þar sem lögð er áhersla á hágæða efni, nákvæm vinnubrögð og strangt gæðaeftirlit. Allar einingar hússins eru framleiddar innanhúss við bestu mögulegu aðstæður. Að lokinni framleiðslu er einingunum vandlega pakkað í gáma og þær fluttar til Íslands, beint á byggingarstað.
Skref 4. Uppsetning og frágangur
Áður en uppsetning hefst er gert ráð fyrir að lóðin sé fullundirbúin – jarðvegsvinnu lokið, sökklar tilbúnir og aðkoma að húsinu
greið. Allt eru þetta verkþættir sem ARNO getur annast fyrir viðskiptavininn, sé þess óskað. Uppsetningin sjálf gengur hratt fyrir
sig, þar sem hvert skref er vel skipulagt undir faglegri stjórn. Viðskiptavinurinn hefur val um á hvaða byggingarstigi húsið er
afhent, frá og með byggingarstigi 2, allt eftir því hversu mikið hann vill taka þátt í áframhaldandi framkvæmdum. Að auki
bjóðum við upp á alla helstu verkþætti, bæði innanhúss og utanhúss, í samræmi við óskir og þarfir hvers viðskiptavinar.
Skref 5. Afhending
Við afhendingu hússins fer fram ítarleg yfirferð á skilalýsingu og verkþáttum, í samræmi við samning og því byggingarstigi sem
valið hefur verið. Afhendingin er skýr, fagleg og vönduð – hvort sem húsið er afhent á byggingarstigi 2 eða fullbúið og tilbúið til
notkunar